Niej op Radio Venloosch: De Herfshane band – Veur Os Allein

Det de Herfshane Band flink aan de waeg tummert, det wiste we natuurlik al, zoë brachte ze veurige maond nog eur leedje “Waat gaan we doon” oét. Nao ein gezamelikke vakantie, hebbe ze now eur nieje leedje oétgebrach “Veur os allein”.

D’r zit auk ein baodschap in dit nieje nummer. Ondanks det we ’t altiéd drök hebbe, is ’t good um zoë aaf en toe auk effe de tiéd te neme veur dichzelf of veur dien relatie. De wuurs dök gelaef en ’t is good um d’r aaf en toe beej stil te staon watse allemaol hes.