05-2026: De Herfshane Band – Moeije mins

De Herfshane Band haet gister de nieje single “Moeije Mins” gepresenteerd. ’t Nummer is ontstaon oét ein persuunlik verlees binne de band.

Mede-oprichter Falco Dings euverleed plotseling in fibberwari veurig jaor. In die zwaore tied merkte de bandlede wie belangriek eur vrindschap is. Door same meziék te make vonde ze troeës, en ’t geveul det Falco nog altied beej eur is in zien ideeën, zien visie en de herinneringe die eur verbinde.

💛 Wao geit ’t nummer euver? “Moeije Mins” geit euver verlees, de krach van vrindschap, troeës en verbondeheid. De baodschap: eemus daese verleers, verdwient noeëts ech. Hae blief laeve in gedachtes, herinneringe en alles wat hae haet achtergela0te.

🎵 D’r kump ein niej album aan! De single is de iërste oét ’t nieje album Same Wuurt ’t Good, det op 22 mei oét kump. Ein maond later steit de band veur de groeëtste mielpaol tot now toe: De Herfshane Band äöpent Pinkpop.

👉 Blief luustere nao Radio Venloosch veur de knaller van de maond!